Kryeministri Rama lëshoi një tjetër apel për ndërgjegjësim në zbatimin e protokolleve anti-COVID, ku, për të qenë sa më bindës, sidomos ndaj kospiracionistëve, solli si shembull Gjermaninë.
“Kjo është një situatë kur Gjermania nuk të lë të ulesh në restorant më shumë se 3 persona apo pas orës 10 sepse është një lojë e Bill Gates për t’iu vënë çipa çunave të Laçit apo të Vlorës, apo për të dëgjuar live këngët politfonike apo që të bllokojë kordat e zërit të këngëtarëve të dasmave.
Ju lutem, silluni me përgjegjësi të madhe, të mos bëhemi ne me duart tona të mbyllin dyert e shtëpive, të lokaleve e makinave dhe mbeten peng të papërgjegjshmërisë, sot je mirë nesër je me tub dhe nëse gjërat nuk shkojnë si duhet larg qoftë pasnesër nuk je fare.
Është bezdi që të mbash maskën në këtë diell, por ja që maska ndihmon secilin prej nesh qoftë edhe si kujtesë që këtu ka një problem, s’jemi vetëm ne”, tha Rama.
Sa për reagimin e resurseve spitalore ndaj shtimit të të infektuarve, shefi i qeverisë dha garanci se ato janë siguruar. /tesheshi.com/
