Kryeministri Rama foli më në fund për kryebashkiakun e Vlorës Dritan Leli, duke thënë se ai duhej të jepte dorëheqjen.
“Për Lelin, do vazhdojmë betejën. Për të nuk ka vend, ai vendosi të mos jetë te beteja e radhës.
Asgjë s’duhet të jetë personale mes këshilltarëve dhe tij, ky është vendim politik.
Duhet që këshilltarët të bëjnë detyrën, të bëjnë kontrolle në komisione sikur të ishte një kryetar partie çfarëdo.
Do të duhej të kishte dhënë dorëheqjen, nuk pranon në këtë formë, në do vijojmë betejën“, ka thënë ndër të tjera Rama në një mbledhje me socialistë të Vlorës në teatrin “Petro Marko”.
Shefi i qeverisë gjithashtu shprehu pakënaqësi për disa kryebashkiakë në qytetet bregdetare.
“Jam jashtëzakonisht i shqetësuar, jo vetëm për Vlorën por me bashkitë që kanë detyrime ekstra që lidhen me industrinë e turizmit”, tha Rama. /tesheshi.com/
