Kryeministri Rama ishte në Durrës në një takim më të punësuarit në sektorin e turizmit, ku premtoi rritje të punësimit në këtë sektor në vitet e ardhshme.
“Vitin e kaluar turizmi ka pasur 42 mijë të punësuar të regjistruar. Në 10 vitet e ardhshme do të shkojë në 250 mijë. Brenda 5 viteve ne mund të shkojmë në 10 milionë turistë, por na duhet investime pasi kemi një numër të ulët shtretërish”, tha Rama.
Më tej, duke mbrojtur idenë e arsimit profesional, që sipas tij, mungesa e të cilit ndër vite ka krijuar krizën e vendeve të lira të punës që vuajnë për profesionistë, kryeministri tha se gjetja e një vendi pune nuk është e lehtë as në Europë.
“Puna kërkohet dhe për ta gjetur është një mundim më vete. 120 aplikime dhe 35 intervista bën një i ri në vendet e BE për ta gjetur punën”, theksoi Rama. /tesheshi.com/
