Rama: Jo votë Dules, nxitës konfliktesh

Kryeministri Edi ka sulmuar sot nga Xara e Sarandës kreun e PBDNJ-së, Vangjel Dule.

Sipas shefit të qeverisë, Dule është treguar mosmirënjohës ndaj PS-së dhe sot kandidon nën siglën e PD për një karrige në parlament. Ai e ka cilësuar Dulen një “nxitës konfliktesh”.

“Si mund t’i jepni votën Vangjel Dules? Nuk e kuptoj se, duhet të kalosh njëherë tek PD, se Bashkimi për të Drejtat e Njeriut lufta për të drejtat e njeriut iku me prodhimet e kalbura, mbeti vetëm Vangjeli që do karrige në parlament, e si do ia bëjnë çamët tani? Vangjeli u nderua nga PS siç nuk u nderua përfaqësues i minoritetit në 27 vite, u bë nënkryetar i Kuvendit të Shqipërisë, sapo u zgjodh Shpëtim Idrizi, bashkënënkryetar ky dha dorëheqjen. Pse e përcakton ky se kush zgjidhet, e pse dha dorëheqjen, sepse nuk bashkëjeton dot me çamët?

Edhe tani ky që nuk bashkëjetonte dot se ky kishte nderimin e vet dhe ky përfaqësonte minoritetin dhe nuk më ka ardhur njëherë të kërkojë një investim, një zgjidhje për një problem të njerëzve, por vetëm për të nxitur konflikt, tani do votën nga minoriteti për Dashin e Havasë, domethënë çamët do të votojnë Vangjelin për të marrë dhe Dashin dhe minoritarët duhet të votojnë Dashin që të kenë Vangjelin” –tha Rama.

Gjatë një takimi në Xarrë të Sarandës, Rama tha se nuk mund të vazhdohet me parti që ndajnë pushtetin si tepsi. Shpërndarja e votës për partitë e vogla, sipas kryeministrit Edi Rama do të shkaktojë pengesa në ndërmarrjen e reformave shtetformuese dhe të rimëkëmbjes së vendit, tha Rama.

Edi Rama kërkoi votën për Partinë Socialiste, që sipas tij, është e vetmja forcë që arriti të vinte në zbatimin e reformën në drejtësi./tesheshi.com/