Kryeministri Rama përfshiu për herë të parë në ligjërimin e tij replikues politik një prej kritikëve të tij më të ashpër mediatik, duke e përmendur me emër. Fjala është për Andi Bushatin. Në një reagim ndaj Bashës, lidhur me disa akuza klasike të këtij të fundit edhe për situatën e rrugëve nën dëborë, Rama shkroi:
“Lulëzim! Se çfarë bëra unë pas tërmetit, qytetarët e dinë. Se çfarë bëri e po bën kjo qeveri për përballimin e pandemisë edhe këtë e dinë. E mbajnë mend edhe ç’bëhej deri dje me përmbytjet kur mijëra njerëz linin shtëpitë e me dëborën kur rrugët bëheshin pista skish për makina!..
Politika me fatkeqësitë është si ajo makina që ngec në rrugë se s’ka zinxhirë për rrotat në rast dëbore dhe s’ka qytetar normal, sado i pakënaqur me qeverinë, që të bëhet rrotë me zinxhir si Andi Bushati, për të të besuar ty rrugën e të ardhmes së Shqipërisë për inat të qeverisë!”, shkroi i pari i qeverisë.
Më parë, i pari i opozitës shkroi për të: “Të gjithë e dinë që me ty Shqipëria ka ngecur në vend. Shqiptarët e dinë shumë mirë që nuk ke bërë asgjë dhe që nuk do të bësh asgjë për ta. Me 25 prill ti humb dhe Shqipëria fiton!’’. /tesheshi.com/
