Kryeministri Edi Rama ka thumbuar nga Kanina e Vlorës kreun demokrat, Lulzim Basha, edhe pse më parë e ka vlerësuar për meritën që pati që zgjedhjet parlamentare të 25 qershorit të ishin më të qetat në historinë e pluralizmit shqiptar.
Por Rama, pas këtij vlerësimi, tha se tashmë Bashën e ka rrëmbyer ankthi dhe ka më stofin e liderit duke iu rikthyer avazit të vjetër.
“Jemi në hall të madh, se mendova se hymë në fazë të re dhe me thënë të drejtën është meritë e Lulzim Bashës që u bënë zgjedhje të qeta, më të qetat që janë bërë ndonjëherë, të parat që nuk kishte rënie të konsumit, zgjedhje me më pak para nuk janë bërë kurrë, as postera, as historira, as zhurma.
Mirëpo e rrëmbeu ai ankthi që rrëmben ata që nuk ka stofin e liderit, nuk e ka atë, se liderët nuk është kollaj, e futi në atë kompleksin që jo ti, jo ti dhe u kthye në atë histori jo krimi, jo droga, jo budallallëqe, por na vënë në pozita atje se nuk bën dot një debat normal dhe përfshihemi dhe ne dhe duket se jemi të gjithë njësoj atje. Unë u kam thënë kolegëve që të enjten nuk kemi çfarë të bëjmë, do respektojmë institucionin, njerëzit do zoti na e bëjnë hallall atë, pastaj jashtë asaj dite nuk kemi asnjë punë, as ti shajmë as ti sulmojmë, as hic”, tha Rama, ndërsa ishte në një drekë në një familje në Kaninë, e cila është shpallur zonë e mbrojtur me vendimin e marrë në mbledhjen e djeshme të qeverisë.
Gjatë drekës në familjen e Viron Micit, Rama kishte në krah deputetin Fate Velaj. Duke iu referuar akuzave te PD-se, Rama i drejtoi edhe një batutë ligjvënësit socialist.
“Kur them bashkohuni, nuk them bashkoni tokat, por financimin, që ju të dilni në dritë se është gjynah. Hajde gëzuar Fate, ti do e nxjerrësh në dritë këtë vend. Se këta janë dhe të djathtë Fate, të dhanë votën. Fate me ca kriminelësh ke bashkëpunuar? Ky është i botës së krimit (i drejton dorën Dritan Lelit)”, tha Rama. /tesheshi.com/
