Kryeministri Rama është përplasur sërish me homologun Haradinaj në anën tjetër të kufirit shqiptar, pas një pretendimi të këtij të fundit se Rama, Thaçi e Vuçiç, nën hyqmin e Mogherinit gatitën idenë e shkëmbimit të territoreve.
“Ekziston një dyshim i bazuar që zoti Vuçiç, Thaçi dhe Rama kanë pas diskutime lidhur me ndarjen e Kosovës. Ekziston ky dyshim, nuk mund ta konfirmoj, por mendohet se është bërë nën mbikëqyrjen e zonjës Mogherini”, tha Haradinaj.
Dhe Rama i është përgjigjur se:
“Për sa i përket komplotit për të copëtuar Kosovën apo për të krijuar një hartë të ri për botën, më kujton atë shprehjen që pa dalë Facebook-u, budallain e njihte vetëm shtëpia e vet, sot jetojmë në një botë që nga kjo pikëpamje është fatkeqe. Nëse do që gënjeshtrën tënde ta besojnë, bëje të pabesueshme, thonte një shprehje. Sot është në përdorim të përditshëm për të goditur kundërshtarë, për masakruar karaktere personalitet në të gjitha nivelet, duke përfituar nga facebbok dhe mundësia për të torolisur të gjithë dynjanë me gënjeshtra marramendëse. Çdo shqiptar e kupton që kjo është një gënjeshtër e bërë aq e pabesueshme në mënyrë që të shitet dhe blihet në territorin e marrëzisë online”. /tesheshi.com/
