Kryeministri Rama e cilësoi Europën si “dritëshkurtër” dhe “hipokrite”, në një koment të tij, i intervistuar për gazetaren Giorgia Orlandinë EuroNews:
“Ka një ndryshim të madh midis anëtarësimit në Bashkimin Evropian dhe hyrjes në rrugën e plotë të negociatave, sepse siç jemi sot nuk jemi gati të jemi anëtarë, pa dyshim.
Por sikurse jemi sot, ne jemi më se gati për të hyrë në rrugën e plotë të negociatave dhe është këtu ku qëndrojnë pikat kontradiktore dhe ku Evropa po tregohet dritëshkurtër dhe disi edhe hipokrite, sepse Shqipëria meriton të hyjë në rrugën e plotë të negociatave”, arsyetoi Rama.
Megjithatë, sipas tij, Europa mbetet një “amanet” për shqiptarët si pikëmbarritje.
“Sepse për ne Evropa nuk është një objektiv apo destinacion politik…Për shkak të faktit të thjeshtë se Evropa është një testament (amanet) dhe është në të njëjtën kohë ajo që u detyrohemi fëmijëve tanë dhe kjo është arsyeja se pse ne do të punojmë gjithnjë e më shumë për ta bërë Shqipërinë një shtet evropian që funksionon plotësisht”, theksoi Rama. /tesheshi.com/
