Kryeministri shqiptar, Edi Rama, deklaroi sot se në Shqipëri është gjetur dhe gati për tu vënë në funksion një burim i rëndësishëm gazi natyror.
Këtë deklaratë, kreu i qeverisë shqiptare e bëri gjatë një takimi me investitorët italianë në Shqipëri, me të cilët po zhvillohet një konferencë e madhe në prezencë edhe të ambasadorit Italian, Massimo Gaiani.
Qeveria shqiptare, ka nisur një operacion intensiv të një konsultimi “agresiv” me industrialistët e Gjermanisë, Turqisë dhe Italisë, të cilët janë investitorët potencialë jo vetëm në Shqipëri por edhe në Ballkan.
Lajmin që shpalli sot Kryeministri Rama, në fakt e kanë dhënë si deduksion prej kohësh disa agjenci të njohura të analizimit të burimeve natyrore, por që sot ajo u shpall zyrtarisht. Gjatë një takimi që u zhvillua tre javë më parë në lidhje me hidrokarburet, ministry i Energjitikës dhe Industrisë, Damian Gjikmuri, theksoi se presim lajme të mira në gjetjen e burimeve të naftës dhe gazit.
Specialistët flasin për dy zona të rëndësishme përveç asaj të Patos-Marinzës. Bëhet fjalë për vendburimin e Shpiragut në Berat, por edhe një vendburim në veri të vendit.
Qeveria e Malit të Zi në një konferencë ndërkombëtare bëri të ditur se në zonën pranë Ulqinit është pikasur një zonë që ka të dhëna për burime gazi natyror dhe gazi.
Në Shpirag ka kohë që po punon jë shumëkombëshe e madhe kanadeze, Petromanas, i cli në faqene saj online, flet për të dhëna optimiste për gjetjen e naftës dhe gazit në rajonin e Beratit.
/tesheshi.com/
