Në kulimin e irritimit të banorëve të Kukësit me nisjen e pagesës së Rrugës së Kombit, Rama u ka përçuar atyre një lajm që sipas kryemnistrit duhet t’i gëzojë.
“Shumë shpejt do të hapet aeroporti i Kukësit. Qeveria ka nisur negociatat”, është shprehur Rama nga Vlora.
“Nuk do të ketë të njëtin profil me Vlorën. Do të jetë një aeroport shumë më i vogël por do i shërbejë, sipas studimit do i shërbejë një hapësire shumë të rëndësishme shqiptare dhe është një aeroport i garantuar me një fluks të lartë pasi do të mbulojë të të gjitha fluturimet me Anglinë, Zvicrën, Gjermaninë, me zona ku ka shumë shqiptarë.
Pa llogaritur pastaj edhe shqiptarët e Kosovës që do e kenë shumë më të lehtë të përdorin Aeroportin e Kukësit për të shkuar në Kosovë si rezultat i cmimeve që do të jenë shumë më të ulëta. Sepse do të jetë specifikisht një aeroport i çmimeve të ulëta”, tha shefi i qeverisë.
Areoporti i Kukësit u ndërtua në fillim të viteve 2000, me një financim arab, por kurrë nuk është vënë në funksion. /tesheshi.com/
