Kryeministri shqiptar Edi Rama dhe homologu i tij, Aleksandër Vuçiç, kanë nderuar së bashku aktorin shqiptar me famë botërore, Bekim Fehmiu, me rastin e 80-vjetorin e lindjes.
“Konsideratë për veprën e artistit dhe humanistit Bekim Fehmiu. Bekim Fehmiu ka lënë një gjurmë të pashlyer mes shqiptarëve dhe serbëve. Jeta dhe arti i tij, dëshmi se ne mund të komunikojmë e të mësojmë nga njëri-tjetri”, theksohet në deklaratën e përbashkët të dy kryeministrave.
Bekim Fehmiu, i cili u nda nga jeta 6 vjet më parë ka lindur në Sarajevë por është me origjinë nga Gjakova, ndërkohë që familja e tij ka jetuar dhe në Shkodër.
Babai i tij, Ibrahim Fehmiu, ishte patriot i shquar, njëri ndër mësuesit e gjeneratës së parë në Kosovë dhe propagandues i madh i arsimit në gjuhën shqipe.
Bekim Fehmiu ishte një nga aktorët më të famshëm të Jugosllavisë dhe ka luajtur edhe në shumë vende të tjera. Roli që e bëri shumë të njohur është ai i Odiseut në filmin “Uliksi”.
/tesheshi.com/
