Pa dëshirën e tij por i diktuar nga një rrethanë, shefi i qeverisë i ka cilësuar si “kafshë” ata të cilët, mes tyre dy vëllezër, e të tjerë familjarë e të afërt të këtyre të fundit, vranë me plumb në kokë një teknik kondicionerësh, ngjarja e ndodhur ditët e fundit në Tiranë.
I provokuar nga komenti i dikujt në FB, i cili i kërkon llogari kryeministrit për vrasjen në fjalë, më saktë që dhe Rama të flasë për ngjarjen tragjike në kryqytet, ky i fundit i përgjigjet:
“Patjeter qe eshte pergjegjesia e Policise se Shtetit, e cila sa per dijenine tende e ka zbuluar vrasjen dhe ka arrestuar kater kafshe deri tani! Sa per çfare kam marre une persiper, ti mos u merzit, madje merr edhe ti persiper ndonje gje, per shembull mos i hidh plehrat pertoke”, i shkruan i pari i qeverisë.
Dy ditë më parë, Indrit Çelaj, teknik kondicionerëëh, humbi jetën pasi u qëllua me një plumb pistolete në kokë nga djemtë e pronarit të ndërtesës ku ai po punonte. Më saktë vëllezërit Kusi, edhe më parë kontigjent me probleme me ligjin. /tesheshi.com/
