Kryeministri Edi Rama thotë se Europa duhet të mbështesë projektet e përbashkëta të shteteve ballkanike, në një intervistë për shërbimin e Ballkanit të radios “Evropa e Lirë” në koment të samitit të Vjenës.
Kjo, sipas shefit të qeverisë së Tiranës, edhe për faktin se problemet e Ballkanit janë edhe probleme të Bashkimit Evropian.
Si projekt të përbashkët, ai përmendi autostradën Durrës – Prishtinë – Nish, një vepër që sipas Ramës, nuk mund të financohet për shkak të pamundësisë me fonde të shteteve përkatëse.
Rama vlerëson se marrëdhëniet e Shqipërisë me Serbinë janë korrekte, ndërsa ato të Kosovës me Serbinë po përmirësohen.
“Këtë javë është bërë hap fantastik në dialog. Në aspektin politik, çdo gjë shkon në drejtimin e duhur, por këtë nuk mund ta marrim si të mirëqenë nëse nuk ka përparim ekonomik”, ka thënë Rama. /tesheshi.com/
