Rama ka sulmuar sërish SPAK, duke veçuar, sipas tij rastin me Ardian Dvoranin.
Në një Asamble të radhës Socialiste, ai tha:
“Në Kongres solla shembullin e arkës së peshkut. Këtu po sjell një tjetër. SPAK ka pasur shpejtësinë e rrufeshme dhe gatishmërinë e jashtëzakonshe për të vepruar, minutë për minutë që të bllokojë Ardian Dvoranin, njeriun e vlerësuar nga Sekretari i Shtetit si një ndër kampionët që të mos e lejonte të hynte në proces për tu promovuar i gjykatës.
SPAK, në mënyrë të rrufeshme, a thua se ishte i koordinuar si sahat zviceran me atë zotërinë që për pak ditë më në fund do të largohet nga zyra e presidentit. Çështje në hetim, gjë të cilën, pastaj procesi gjyqësor e çmontoi dhe e shfry si një fluskë sapuni.
Por nëse ky sahat zviceran do të ishte i pakonkurueshëm, sa gjykatës dhe prokurorë të nxjerrë kashtë nga vettingu për pasuri marramendëse do të ishin sot më burg? Sepse u bë kohë që peshkaqenët e mëdhenj vettingu i ka flakur jashtë. Ku janë sot? Ata janë në punë e tyre. Nuk u ka hyrë asnjë gjemb në këmbë.
BE ia ka lënë Shqipërisë me shkrim për të vazhduar procesin dhe në momentin që do të ulet në tryezë gjëja e parë është se sa gjykatës dhe prokurorë janë marrë në hetim? Zero.
Kampioni i ant-korrupsioni nga DASH është futur në hetim nga SPAK nga ai që jo vetëm unë por gjithë Shqipëria mezi pret ta shikojë para SPAK-ut”, tha Rama.
Siç pak më herët, Rama konteston SPAK se ndërsa çon në dënime raste jo aq flagrante korrupsioni në mazhorancë, ka lënë në harresë rastë ulëritëse sipas tij.
Në rastin e Dvoranit, ai tha se ky njeri i vlerësuar amerikanët sot një shtëpi të thjeshtë nga ato të komunizmit, ndërsa ata që nuk e duan atë posedojnë vila. /tesheshi.com/
