Ish-kreu i serbëve të Bosnjës, Radovan Karaxhiç do të nisë një proces apelimi këtë javë kundër dënimit me 40 vjet burg për gjenocid dhe krime të luftës gjatë luftës 1992-1995.
Karaxhiç, është zyrtari më i lartë i dënuar nga Tribunali i Hagës për ish-Jugosllavinë, i ngritur në 1993 për të ndjekur penalisht shkaktarët masakrave dhe genocidit mbi popullsinë civile.
Dy vjet më parë Karaxhiç, tashmë 72 vjeç, u dënua për krime të kryera gjatë shpërbërjes së Jugosllavisë në vitet 1990, duke përfshirë vrasjen e 8 mijë burrave dhe djemve muslimanë në Srebrenicë, i cilësuar si krimi më i madh në Europë pas Luftës së Dytë Botërore.
Muaj më vonë ai paraqiti një ankesë duke thënë se dënimi i tij 40 vjet burg duhet të përmbyset, ose atij duhet t’i jepet një “gjykim i ri dhe i drejtë”, duke pretenduar se Tribunali i Hagës për ish-Jugosllavinë ishte i anshëm ndaj tij. /tesheshi.com/
