Dënimi me 40 vite burg për gjenocid është apeluar sot nga ish-udhëheqësi i serbëve të Bosnjës, famëkeqi Radovan Karaxhiç.
Gjyqtarët në tribunalin në Hagë kanë treguar standard të dyfishtë, ka shkruar i dënuari për krime lufte në kërkesën për apelimin, duke pretenduar se ata kanë marrë në konsideratë deduksionet, e jo provat e qëndrueshme.
Karaxhiç kërkon që dënimin me 40 vite burg të rrëzohet, apo ai të gjykohet sërish, sepse, sipas tij, Gjykata Penale Ndërkombëtare për ish-Jugosllavinë ishte treguar e njëanshme.
Tribunali e dënoi në mars ish-udhëheqësin e serbëve të Bosnjës për krimet gjatë shpërbërjes së ish-Jugosllavisë në dekadën e fundit të shekullit të shkuar. Vrasja e 8.000 meshkujve muslimanë në Srebrenicë do të shërbente si provë për dënimin e Karaxhiçit me 40 vite burg.
Konflikti boshnjak gjatë shpërbërjes së ish-Jugosllavisë ishte nga më të përgjakshmit, gjatë së cilit humbën jetën rreth 130.000 persona. /tesheshi.com/
