Siç raporton BBC-ja, pasi në një radio katolike është thënë në një transmetim se tërmetet e fundit në Itali ishin ndëshkim i Zotit për bashkimet civile të homoseksualëve, Vatikani ka reaguar me nervozizëm, duke i dënuar thëniet.
Një frat dominikan do të deklaronte se tërmetet e fundit, duke përfshirë atë të gushtit që u mori jetën qindra personave, ishin rrjedhojë e mëkateve të njeriut.
Sipas tij, mes paudhësive përfshihej miratimi majin e shkuar i bashkimeve civile të homoseksualëve.
Vatikani i ka cilësuar pagane komentet, duke i hedhur poshtë me argumentin se nuk kishin të bënin aspak me teologjinë katolike.
Komentet e bëra në stacionin radiofonik Radio Maria ishin fyese dhe skandaloze, në këndvështrimin e Vatikanit.
“Ato janë deklarata fyese për besimtarët, e skandaloze për ata që nuk besojnë,” ka thënë Angelo Becciu, zëvendëssekretari i shtetit, një person i afërt me papa Françeskun, gjithnjë duke iu referuar raportimit të BBC-së.
Megjithatë, frati nuk ka hequr dorë nga përshkrimi i tij i shkakut të tërmeteve të fundit, të para si një “ndërhyrje hyjnore”.
“Vetëm lexoni katekizmin,” ka qenë përgjigjja e atë John Cavalcoli-t.
Pjesa qendrore e Italisë po përjeton prej muajsh lëkundje të vazhdueshme toke, që kanë shkatërruar ndërtesa, fshatra e qyteza, e kanë lënë pas dhe viktima. /tesheshi.com/
