Klubi ukrainas, Dinamo Kiev po konsideron mundësinë e krijimit të një sektori të veçantë për tifozët me ngjyrë, pas dhunës së fundit të shfaqur nga tifozët vendas ndaj një tifozi zezak gjatë ndeshjes me Çelsin në kuadër të Champions League. 
Lajmi është konfirmuar nga drejtori i stadiumit Volodimir Spilchenko, i cili ka thënë se kjo është mundësia e vetme për të luftuar racizmin në Ukrainë.
I pyetur nga gazetarët për mundësinë e krijimit të një sektori të veçantë për tifozët me ngjyrë, Spilchenko tha: “Është një ide e mirë. Ne do mundohemi të bëjmë një gjë të tillë, në mënyrë që të luftojmë racizmin”.
UEFA ka filluar hetimet në lidhje me dhunën e shfaqur ndaj tifozit zezak, por ndërkohë klubi ukrainas ka filluar të mendojë për të bërë një zgjidhje lidhur me këtë problem. /tesheshi.com/
