Qyteti i shkrumbuar, donacioni milionësh nga ky çift

Menjëherë pasi Jeff Bezos zbarkoi në Itaka me superjahtin e tij prej 500 milionë dollarësh “Koru”, e fejuara e tij njoftoi një donacion të përbashkët për Hawaii-n që digjej.

Lauren Sanchez ka bërë një postim në Instagram, në të cilin thotë se së bashku do të ndajnë 100 milionë dollarë për zjarret në Hawaii dhe konkretisht, Maui County.

“Jeff dhe unë jemi të trishtuar nga ajo që po ndodh në Maui. Ne po mendojmë për të gjitha familjet që kanë humbur kaq shumë dhe një komunitet që ka mbetur i shkatërruar. Nevojat imediate janë të rëndësishme, po kështu është edhe rindërtimi afatgjatë që do të duhet të bëhet”, shkruan ndër të tjera ai.

Më pas ajo shtoi se ajo dhe Bezos “po krijojnë ‘Maui Fund’ dhe po lënë mënjanë 100 milionë dollarë për të ndihmuar që Maui të rikthehet në këmbë tani dhe në vitet në vijim”. /tesheshi.com/