Ish-kryeministrit Berisha, në cilësinë e deputetit të PD-së, është përjashtuar sërish nga punimet e parlamentit.
Byroja e Kuvendit e mbledhur pasdite me kërkesë të grupit socialist, vendosi që Berisha mos marrë pjesë për 10 ditë në seancat parlamentare.
Shkak për këtë ndëshkim të radhës, i dyti në lloj brenda një muaji, ka qenë cilësimi prej tij si kriminel në adresë të kryeministrit Rama gjatë seancës të së enjtes.
Berisha e ka quajtur këtë si një vendim që tenton t’i mbyllë gojën. Ndërsa deputeti Edmond Spaho, tha pas vendimit se ajo çka vendosi byroja ishte diçka që pritej. /tesheshi.com/
