Parlamenti i qipriotëve grekë miratoi të enjten një ligj që e konsideron vepër penale mohimin e pretendimeve armene për incidentet e 1915-s, të quajtura gjenocid prej tyre.
Ligji parashikon një dënim me gjobë (10.000 euro) apo gjer në pesë vite burg për ata të cilët e mohojnë gjenocidin ndaj armenëve.
Akti i parlamentarëve grekë vjen pikërisht në muajin kur Armenia do të përkujtojë në Jerevan me një ceremoni madhështore 100-vjetorin e incidenteve të vitit 1915.
Ankaraja reagoi menjëherë me anë të zëdhënësit të Ministrisë së Jashtme, i cili tha në një deklaratë se, “vendimi i Qipros greke është i pavlefshëm për Turqinë, dhe nuk ia vlen të komentohet”.
“Nuk ka dyshim se ata që përpiqen t’i shfrytëzojnë incidentet e 1915-s në çdo mundësi duke përdorur thjesht ambiciet politike nuk mund të kenë rezultat,” shtoi zëdhënësi. /tesheshi.com/
