Pak ditë pas qetësimit të gjakrave, ministri i Financave Arben Ahmetaj ka shkelur në Kukës, në një përpjekje qeveritare për të sqaruar tarifën e Rrugës së Kombit.
Veç ofrimit të skemës së njohur tashmë të lehtësirave për kaluesit e shpeshtë në rrugë, Ahmetaj premtoi dhe investime në këtë zonë. Ai tha se një kompani fasoni ka shprehur interes për të hapur fabrikën e saj në këtë qark dhe se kjo spas tij do të bëjë të mundur hapjen e 500 vendeve të reja të punës.
Gjithashtu, kreu i Financava rikujtoi dhe futjen në punë te Aeroportit si dhe ndërtimin e një stadiumi të ri.
Deri më tani qeveria nuk ka lëvizur aspak nga qëndrimi për pagesën e detyrueshme në Rrugën e Kombit – siç e kërkojnë një pjesë e banorëve të zonës – por thotë se këto të fundit do të kenë lehtësia dhe se vlera e pagesës po negociohet. /tesheshi.com/
