Gruaja që drejton arsimin shqiptar, përgjakur së fundi në Tiranë nga vrasja e një nxënësi te shkolla “Fan Noli”, qëlluar nga një bashkëmoshatar edhe ai nxënës në këtë shkollë, madje me dhjeta, ngjarje e ndodhur gjithsesi jashtë dhe në distancë nga shkolla, pra ministrja Manastirliu, kumtoi mbylljen e TikTok-ut belasjellës për brezin e ri.
Një në takim me prindër e mësues për planin i ri të veprimit për fuqizimin e mekanizmave të sigurisë në shkollë, theksoi se “ky plan do të zbatohet për një periudhë tre vjeçare dhe është një plan ambicioz, një iniciativë që reflekton përgjegjësinë tonë të përbashkët si shtet, si institucione, si prindër dhe si qytetarë”.
“Në një kohë kur sfidat teknologjike janë të pashmangshme, siguria fizike dhe digjitale është prioritet. Për rritjen e kësaj sigurie kemi vendosur bllokimin e platformës TikTok, bazuar në një paketë instrumentash që po punohet nga AKCESK dhe AKSHI. Po ashtu, do të vendosim kamera inteligjente përmes projektit ‘Smart City’, duke siguruar një monitorim më efektiv brenda shkollave dhe perimetrit të tyre. Në dy vitet e ardhshme do të dyfishojmë numrin e oficerëve të sigurisë, duke arritur në 500, dhe do të ngremë një strukturë të dedikuar brenda drejtorive arsimore për të koordinuar detyrat e oficerëve të sigurisë dhe bashkëpunimin me njësitë lokale të mbrojtjes së fëmijëve”, tha ajo.
Kështu, në vend të dorëheqjes që i është kërkuar, edhe nga prindërit e fëmijës që humbi jetën, Martin Cani, Manastirlliu ka vendosur të vijojë detyrën dhe të bëhet promotore e një tjetër niveli sigurie në shkolla. /tesheshi.com/
