Kryeministri Rama, në prezantimin e planit të ri të veprimit për zhvillimin dhe sigurinë në shkolla, me shkas vrasjen me thikë të një nxënësi në Tiranë prej një bashkëmoshatari, tha se po punohet edhe për planin e fermës në shkolla, ku siç tha ai, fëmijët do të mësojnë se “domaten nuk e prodhon TikTok-u”. Sipas Ramës, në shkolla do futen dhe aktivitete të tjera sportive, veç volejbollit, basketbollit dhe futbollit, e po ashtu, edhe loja e shahut.
Megjithatë, këto nuk mund të quhen ide të reja, pasi janë kumtuar dhe më parë.
“Po përgatisim institutin e fëmijëve në konflikt me ligjin, një institut që është një model europian, një model i shekullit të ri, një model i shkollës së riedukimit, për të gjithë ata fëmijë që kanë kryer një vepër, që nëse s’do të ishin minoren, do të ishin në burg. Ky institut është një projekt, ashtu si kundër programi i fermës në shkollë që e kemi nisur. Duhet të bëhet dhe do të bëhet një program i Ministrisë së Bujqësisë në bashkëpunim me Ministrinë e Arsimit, që është një program i prodhimit dhe shitjes së produkteve, që fëmijët të kuptojnë që domatja nuk prodhohet në TikTok”, tha ai.
Por, më intersante që një model i huazuar nga Izraeli, shteti vrasës i fëmijëve, që për më tepër do përgatitet pikërisht nga ky shtet.
“Ne ndërkohë jemi duke ndërtuar në spitalin pediatrik një program për të çuar shkollën te fëmijët. Pra fëmijët në spital të kenë mundësinë për të bërë shkollë, që është një model i shkëlqyer i marrë nga Izraeli dhe që po e përgatisim me miqtë nga Izraeli”, tha Rama. /tesheshi.com/
