Kryeministri Rama shpalli zgjidhjen e hallit të naftëtarëve të Ballshit, në një situatë që siç tha ai, s’e kishte parë veten kurrë.
“Çka ne kemi vënë në dispozicion si mbështetje për 870 naftëtarë dhe punonjës të rafinerisë, është pritur me shumë pozitivitet nga ana e tyre. Natyrisht që në këtë kohë kaq të vështirë, ku duhet të kalkulojmë çdo ditë, pasi asnjëherë më parë në eksperiencën time në këtë detyrë, për të qenë largpamës, nuk është e lehtë, por jemi të bindur që kemi bërë qenë e duhur duke vendosur një pagë 55 mijë lekë bruto, dhe 40 mijë lekë neto, që të kenë sigurimet dhe garancinë e një page mjaft të arsyeshme duke marrë parasysh dhe situatës që po kalojmë.
Më lejoni të shijoj këtë moment pozitiv dhe njerëzor, kur kemi qarë halli bashkarisht si një familje dhe kemi materializuar moton tonë që askush nuk do të jetë vetëm dhe gjithçka që është e mundur nga ana jonë, do të bëhet për këdo”, theksoi Rama.
Gjithashtu, ai i shpreh i bindur në rinisjen e punës në rafineri.
“Nuk jemi dorëzuar për gjetjen e investitorit. Kërkon investime se është një rafineri e vjetër. U kemi dhënë kohë për të marrë frymë lirisht dhe në momentin që do të jetë investitori dhe do të vihet rafineria ato s’do të kenë më nevojë për këto paga. Jemi në kontakt me tre kompani, që janë kompani të mëdha dhe të rëndësishme, por koha që jetojmë është një problem që e kemi hasur me disa projekte tona”, tha Rama.
Nga ana e tyre, naftëtarët, të cilët prej ditësh u futën dhe në grevë urie, kanë dalë të kënaqur me zgjidhjen qeveritare.
Ata kërkonin pagat e mosdhëna nga kompania private e cila kishte në menaxhim rafinerinë, por qeveria, më saktë Rama, u thoshte se pagat nuk ishin përgjegjësi e qeverisë. /tesheshi.com/
