Përpjekjet ndërkombëtare, posaçërisht të OKB-së, për t’i dhënë Libisë një qeveri të unitetit kombëtar morën një goditje të rëndë këtë të hënë.
Qeveria e mbështetur nga OKB-ja nuk arriti të marrë votat e duhura në parlamentin e njohur ndërkombëtarisht, duke çuar dëm një përpjekje të gjatë disamujore.
Nga 104 anëtarët e parlamentit pjesëmarrës në sesionin e sotëm, 89 prej tyre votuan kundër mbështetjes së qeverisë.
Një pjesë e parlamentarëve e justifikuan votuan e tyre kundër me arsyetimin se kabineti ishte i fryrë dhe duhej të përbëhej nga më pak ministra. Ndërsa një pjesë tjetër pretendoi se qeveria e re nuk përfaqësonte interesat e popullit libian, por ishte formuar sipas kërkesave të udhëheqësve të milicisë.
Libia ka që nga 2014-ta dy qeveri e dy parlamente, me njërin pushtet në kryeqytetin e vendit, në Tripoli, e me tjetrin në lindje, në Tobruk.
Javën e shkuar, sipas një marrëveshjeje të arritur muajin e kaluar me mbështetjen e OKB-së, u formua një qeveri e unitetit kombëtar, e drejtuar nga Fajiz Siraxh dhe me 32 ministra. /tesheshi.com/
