Tashmë po e flasin hapur dhe me zë të lartë të gjithë, atë që tesheshi.com e ka shkruar prej dy muajsh: që koalicioni ndërmjet PS-së dhe LSI-së është realisht i mbaruar dhe po punohet nën rrogoz për një zgjidhje alternative, Edi Rama për të qëndruar në qeveri, ndërsa Ilir Meta për të rrëzuar Ramën.
Loja për votat është bërë e egër dhe pa përjashtuar asgjë.
Madje për të gjetur votat janë dërguar edhe emisarë tek burgu 313 për të ndikuar në Parlament.
Ky fakt është clësuar tronditës nga amerikanët dhe siç mësohet ky episod ka qenë një nga më të rëndësishëm që kanë shkatërruar përfundimisht relacionet mes Ilir Metës dhe ambasadës amerikane.
Por fakti që doli sot nga një burim “parazyrtar” i LSI-së, sërish është bërë publik kohë më parë nga tesheshi.com.
Bëhet fjalë për rrjedhjen e votave brenda grupit parlamentar të LSI-së. Janë disa deputetë që janë gati të kalojnë me Edi Ramën dhe ky është realisht objekti i përplasjes më të madhe mes kryeministrit dhe kryetarit të Kuvendit.
Sa herë që Meta ka kërkuar dorëheqjen e Saimir Tahirit, Rama e ka kuptuar se e gjitha kjo është një presion për të hequr dorë nga “ndërhyrja në punët e brendshme të LSI-së”.
Por Rama ia ka kthyer duke i përmendur negociatat me Arta Daden, Anastas Angjelin, Ben Blushin dhe Koço Kokëdhimën.
Agron Çela, deputeti i LSI-së i ardhur nga biznesi ka qenë një nga “viktimat” e para të kësaj përplasje mes “elefantëve” të mazhorancës.
Artur Zheji, “paradhoma” e qëndrimit zyrtar të Ilir Metës shkruan se janë dy deputetë të LSI-së që mund të kalojnë me Ramën nëse ai bën qeveri pa Metën. Dhe përmend një deputet që vjen nga biznesi, e në këtë rast kuptohet se bëhet fjalë për Agron Çelën dhe një “të majtë të njohur” në LSI.
Kjo e dyta në fakt është bllof për të provokuar reaksion.
Bëhet fjalë për dy ministra të LSI-së që kanë marrëdhënie të tendosura me Ilir Metën, i cili nuk i ka zëvendësuar vetëm se ka kërkuar zhbërjen e qeverisë “Rama” dhe jo ribërjen e saj.
LSI ka në qeveri Edmond Haxhinaston te Transportet, Edmond Panaritin te Bujqësia, Klajda Gjoshën te Integrimi, Ylli Manjanin te Drejtësia dhe Lefter Kokën tek Mjedisi.
Kush nga këta ka tradhëtuar Metën?!
Bie në sy se Zheji e heq mënjanë Kokën, edhe pse kunati i tij Agron Duka, thuhet se është rreshtuar si një pjesëmarrës në një qeveri me Edi Ramën…
/tesheshi.com/
