Ministri turk i Mbrojtjes Hulusi Akar tha se ai sheh përmirësim në negociatat me Shtetet e Bashkuara për blerjen e sistemit rus të raketave S-400 dhe gjauajtësve amerikanë F-35.
Megjithatë, shefi i mbrojtjes turke shtoi se zyrtarët e Ankarasë po përgatiten gjithashtu për sanksione të mundshme që mund të vendoseshin nga Uashingtoni.
Turqia dhe SHBA janë në konflikt rreth vendimit të Ankarasë për të blerë një sistem mbrojtës të raketave ruse, S-400, i cili, sipas Shteteve të Bashkuara, nuk mund të integrohet në sistemet e NATO-s, diçka e papranueshme sipas Uashintonit.
Uashingtoni thotë se ky veprim do të rrezikonte rolin e Ankarasë në prodhimin e gjuajtësve F-35, nga Lockheed Martin, të cilët pretendon se do të kompromentohet me blerjen e S-400.
Akar u tha gazetarëve të martën se Turqia po përmbush detyrimet e saj në projektin F-35 dhe pret që programi të vazhdojë siç është planifikuar.
Sipas tij, bisedimet me zyrtarët amerikanë janë ende në vazhdim.
Ministri turk i Mbrojtjes gjithashtu tha se vendi i tij vlerëson ofertën e SHBA për blerjen e sistemit Patriot, i cili është prodhuar nga kompania amerikane Raytheon.
Ai shtoi se dy vendet po negociojnë çmimet, transferimin e teknologjisë dhe çështjet e prodhimit të përbashkët. /tesheshi.com/
