Georgia Sigourney, një 13 vjeçare angleze është qepur 50 herë për të shpëtuar, pasi një qen i llojit husky, e kafshoi në fytyrë. Për këtë ngjarje është dënuar kujdestarja e qenit, Sarah White, e cila në atë moment që ndodhi incidenti, duhej të ishte duke u kujdesur për kafshën. Gruaja rrezikon deri në 5 vite burg.
Ngjarja ka ndodhur në Peterborough në Mbretërinë e Bashkuar. Siç raporton Mirror, studentja 13 vjeçare kishte shkuar të studionte në banesën e një shokut të saj, në momentin që u sulmua nga qeni me emrin Dakota.
Kujdestarja e qenit u mundua të bindte trupin gjykues për pafajësinë e saj. “Nisa të kujdesem për Dakotën një ditë përpara se të ndodhte aksidenti. Ishte qeni i një mikut tim. Kujdesesha për disa kafshë shtëpiake, kur pronarët e tyre ishin me pushime”,- ka thënë gruaja.
Ajo u arrestua dhe tani rrezikon një dënim deri në 5 vite burg. “Nuk duam që White të përfundojë në burg apo që t’i heqin fëmijët nga kujdestaria, por jemi të kënaqur për vendimin dhe që ajo është cilësuar fajtore për këtë ngjarje. Duam drejtësi për vajzën tonë”,- ka thënë Lucy, mamaja e 13 vjeçares Georgia./tesheshi.com/
