Një histori e ngjashme me atë të filmit të njohur “Hachiko”, ka qenë edhe e ajo Kapitenit, qenit që priti vite me radhë në varrin e zotit, dhe ndërroi jetë pak ditë më parë, për t’u bashkuar njëherë e mirë me të.
Qeni besnik flinte çdo natë për 11 vjet rresht pranë varrit të Miguel Guzman, i cili ndërroi jetë në vitin 2006 në Villa Carlos Paz, në Argjentinë
Kur ai vdiq, qeni, të cilin e kishte blerë si një dhuratë për të birin Damian ,ishte rreth 4 vjeç.
Ashtu si në film, pas vdekjes së pronarit, Kapiteni u zhduk dhe familja mendoi se ai kishte gjetur një familje tjetër, ose ishte vrarë.
Por gjatë një vizite në varreza, disa javë më vonë, familjarët gjetën Kapitenin dhe kuptuan se ai qëndronte gjatë gjithë kohës në varreza.
Të pyetur nga “Daily Mail”, banorët aty pranë treguan se filluan ta ushqenin qenin kur kuptuan se ai flinte çdo natë te varri i të zotit.
Djali i Guzman, Damian tha se kishte tentuar disa herë ta sillte Kapitenin në shtëpi, por ai shkonte gjithmonë drejt varrezave.
Nga ana tjetër, drejtori i varrezës u shpreh se:
“Ai erdhi një ditë këtu dhe filloi të endej nëpër varre, derisa më në fund gjeti varrin e të zotit”./tesheshi.com/
