Nga Blendi Gashi
Një ditë pas shpërthimit të aferës së përgjimeve e njohur në opinionin publik kosovar si “Pronto 2”, është deklaruar edhe Prokuroria e shtetit të Kosovës.
Kryeprokurori Aleksandër Lumezi në një konferencë për media dha një deklaratë veçse të pritur se nuk do të fillojë hetime lidhur me bisedat e përgjuara telefonike të shefit të grupit parlamentar të Partisë Demokratike të Kosovës, Adem Grabovci, me zyrtarë të ndryshëm të kësaj partie, përfshirë edhe ish-kryetarin e saj,Hashim Thaçi, dhe kryetarin aktual, Kadri Veseli.
“Niveli i provave që kanë qenë objekt i vlerësimit nga prokurori ndërkombëtar, nuk kanë qenë të mjaftueshme për të ngritur akuzë. Tani ato prova nuk mund të rivlerësohen si bazë e mjaftueshme për fillimin e procedurës penale, sepse cenojnë parimin e sigurisë”, tha Lumezi.
Për rihapje të hetimit, ka thënë Lumezi, duhen prova të reja, të cilat nuk kanë qenë objekt vlerësimi nga prokurori ndërkombëtar.
Por, deklarimet e kryeprokurorit të shtetit cilësohen skandaloze nga përfaqësues të organizatave joqeveritare dhe deputetë.
Isuf Zejna, hulumtues në organizatën “Demokracia Plus”, thotë se afera e përgjimeve ka treguar për një nivel të lartë të ndikimit të zyrtarëve të lartë të Partisë Demokratike në të gjitha institucionet e Kosovës, që nga emrimet në prokurori, polici, borde dhe agjencione e deri tek universitetet publike.
“Këto përgjime tregojnë se shteti në Kosovë është i kapur nga këta individ dhe të njëjtit sillen pak a shumë sikur të ishin pronar të këtyre institucioneve. Kur shohim këtë ndikim kaq të madh mbi institucionet e drejtësisë, nuk më habit reagimi i kryeprokurorit të Shtetit z.Lumezi. Këto përgjime për një kohë të gjatë kanë qenë në dispozicion të prokurisë dhe ky isntitucion është dashur që me kohë të marr masa kundër z. Grabovci dhe ‘shokëve’ të tij”, thotë Zejna, për tesheshi.com.
Ai thotë se shefi i grupit parlamentar të PDK-së Adem Grabovci është mbi ligjin dhe prokuroria e gjyqësori janë të pafuqishëm përball tij e tregon edhe rasti i sulmit të dy djemve të tij mbi nje polic të Kosovës.
“Përkundër se të njëjtit kishin ushtruar dhunë fizike mbi policin e Kosovës ata u dënuan vetëm me gjobë në para. Z. Lumezi do të duhej që të fillojë hetimet pa asnjë hezitim ndaj të gjithë këtyre zyrtarëve, pavarësisht nëse këto përgjime mundet ose jo të përdoren si prova direkte ose jo kundër këtyre personave.
Nëse z. Lumezi nuk ndërmerr asgjë në këtë drejtim dhe këta zyrtarë amnistohen nga ai, kjo tregon se z. Lumezi është vetëm një figurë tjetër në shërbim të këtij grupi kriminal”, thotë Zejna, për tesheshi.com.
Kurse, Betim Musliu, drejtor i Institutit të Kosovës për Drejtësi deklarimet e kryeprokurorit të shtetit i cilësin si skandaloze, pasi pa dëgjuar të gjitha përgjimet, krijon dyshime se edhe këtu ka ndikim politika.
Musliu, në një deklarim për mediat, ka thënë se dyshimet rriten, pasi para fillimit të konferencës Lumezi është takuar me presidentin e Kosovës, Hashim Thaçi.
Musliu konsideron se në përgjimet telefonike vërehen elemente të veprave penale, që patjetër duhet të ndiqen nga ana e prokurorit.
“Aty mund të gjenden të gjitha elementet e veprave penale për të cilat prokurori i shtetit mund të ndërmerr veprime. Por është tepër shqetësuese që ende pa e parë serinë e përgjimeve që do të publikohen, kryeprokurori i shtetit e paragjykon gjithë atë që është bërë dhe mund të bëhet në ditët në vazhdim. Prandaj, kjo po dëshmon mungesën e guximit për tu ballafaquar më to, që realisht i pa publiku”, ka thënë Musliu.
Ndryshe gazeta online “Insajderi” pohon se ka mbi njëmijë biseda të përgjuara telefonike, të nxjerra me vendim gjykate, gjatë fundvitit 2011, dhe ato u rishfaqën sërish pas gati pesë vjetësh.
Ky portal ka njoftuar se ditën e premte do të publikoi edhe njëmbëdhjetë përgjime telefonike me akterë krerët e PDK-së.
/tesheshi.com/
Yes ëe Khan: Fushatë për afruar në politikë të atin e ushtarit musliman që gozhdoi Donald Trump
Një faqe internet me emrin ‘Yes ëe Khan’ është duke u përpjekur për të siguruar fonde të mjaftueshmë në mënyrë që të joshë të atin e ushtarit musliman-amerikan të vrarë, për të kandiduar për një post apo zyrë në Virginia.
Fjalimi i tij i famshëm ka nxitur një sugjerim që ai të kandidojë në zgjedhjet e ardhshme, dhe që nga 3 gushti deri më tani janë grumbulluar 8,900 dollarë për këtë qëllim.
Në deklaratën në faqen e internetit thuhet: “Ne kemi nevojë për më shumë kandidatë si Khizr Khan, e jo Donald Trump, për të kandiduar për poste në SHBA.
Z.Khan është person që ka arritur ëndrrën amerikane dhe ka bërë sakrificën më sublime për këtë vend.
Donald Trump nuk ishte në gjendje të numërojë as një sakrificë të vetme që ka bërë në jetën e tij.
“Ndihmoni Khiz Khanin që të kandidojë për delegat të shtetit në distriktin e 58-të në Virginia. Ai do të ishte muslimani i parë i zgjedhur ndonjëherë që mban këtë post.
Nuk është e qartë nëse Khan vërtetë do të marrë parasysh propozimin për të kandiduar për ndonjë post, por organizatorët e fushatës kanë thënë se paratë do të përdoren vetëm në rast se ai do të pranojë kandidaturën.
/tesheshi.com/
