Imazhi i NATO-s është përkeqësuar ndjeshëm në SHBA dhe Francë vitin e kaluar pasi Donald Trump dhe Emmanuel Macron vunë në dyshim vlerën e Aleancës së Atlantikut të Veriut, zbuloi një studim nga Qendra e Kërkimit Pew.
Mendimi pozitiv për NATO-n, i cili mbështetet në angazhimin e anëtarëve të saj në fushën e mbrojtjes së përbashkët, ka rënë nga 64 përqind në 2018 në 52 përqind në 2019, raportoi Reuters.
Në Francë, mbështetja për NATO-n ka rënë nga 71 përqind në 2009 në 60 përqind në 2017 në 49 përqind në 2019.
Macron tha vitin e kaluar se aleanca ishte në një gjendje “vdekje të trurit” për shkak të dështimit për t’i dhënë fund konflikteve botërore. E ndërkohë që komenti i tij tronditi liderët e tjerë të NATO-s, Trump ka kritikuar aleatët që nga ardhja në pushtet në 2017 për mosshpenzimin e mjaftueshëm për mbrojtjen.
Mbështetja për NATO-n gjithashtu është zvogëluar në Gjermani, ku ka rënë me gjashtë përqind në 57 përqind.
Në Mbretërinë e Bashkuar, ku NATO tashmë ka një rëndësi simbolike për shkak të nga Bashkimi Evropian, mbështetja për NATO është rritur, nga 62 përqind në 2017 në 65 përqind vitin e kaluar. /tesheshi.com/
