Një furi reshjesh kanë tronditur të gjithë bregdetin Adriatik të Malit të Zi, duke shkaktuar përmbytje kolosale nga Kotorri deri pranë Ulqinit, në Petrovac.
Që nesër, kjo furi reshjesh pritet të vijë në jug të Adriatikut në zonën e Shkodrës dhe Lezhës në radhë të parë.
Sipas raporteve të mediave malazeze, uji ka hyrë në shtëpitë e banorëve të Budvas duke përmbytur qytetin e vjetër.
Ndërkaq, dallgët e detit që kanë qenë të një fuqie të madhe kanë vërshuar thuajse në të gjithë banesat dhe lokalet pranë bregut.
Në Becici, shëtitorja pranë plazhit është përmbytur. Aktualisht nuk ka shi në Budva, por ekziston një valë aktive baticash, raporton RTCG.
Në Tivar dallgët e mëdha kanë përmbytur shëtitoret.
Shiu solli probleme për vendasit në Vranjina në brigjet e Liqenit të Shkodrës, ndërsa ituata në Virpazar është më e qëndrueshme.
Niveli i ujit të Liqenit të Shkodrës është në rritje dhe në disa vendbanime në zonën e kryeqytetit të vjetër, Cetinjes. /tesheshi.com/
