Pyetja që sikletosi Erjon Veliajn në UET, pedagogia: Jeni manipulator i paparë! Ju vetë, do ta besonit Erjon Veliajn?

Gjatë një diskutimi me pedagogë dhe studentë sot në UET, kryebashkiaku i Tiranës Erjon Veliaj pati një moment sikleti që e kaloi sigurisht me përgjigjet e tij që janë në vazhdën e komunikimit me publikun .

Pedagogia Irena Myzeqari: “Jeni shumë i mirë për të qënë i vërtetë. Ju jeni njohës shumë i mirë i inteligjencës emocionale, përdorni shumë mirë ligjërimin, jeni një manipulator i paparë, do të ishte shumë naive nga ana ime si pegagoge e komunikimit që t’ju kapja mat, pyetja ime është: nëse ju do të ishit një qytetar i thjeshtë i Tiranës, a do ta besonit Erion Veliajn?”

 Veliaj: “Unë nëse do ta kisha përballë Erion Veliajn, do ta sfidoja, do mendoja se do bëja më mirë se ai. Do angazhohesha dhe do propozoja në mënyrë konstante ide më të mira se ai.” /tesheshi.com/