Që në fillimet e pushtimit rus, Bjellorusia u tregua bashkëpunëtorja më e madhe e Putinit në këtë agresion, i cili po vazhdon prej 24 ditësh.
Edhe pse Rusia ka sulmuar Ukrainën nga territori i këtij vendi, gjithnjë e më shumë bjellorusë e shohin si brutalitet dhe pajustifikim pushtimin rus të Ukrainës dhe, pavarësisht aleancës së presidentit të tyre Aleksandër Lukashenko me Vladimir Putinin, ata po mbështesin rezistencën e ukrainasve.
Duke qenë se lufta ruso-ukrainase po zhvillohet në hapësirën mediatike, nuk është për t’u habitur që ka një numër i madh regjistrimesh, vërtetësia e të cilave nuk mund të konfirmohet gjithmonë menjëherë.
Megjithatë, rrjetet sociale u vërshuan me video të nacionalistëve dhe vullnetarëve bjellorusë që mbërritën për të ndihmuar në mbrojtjen e Kievit, por edhe qyteteve të tjera të Ukrainës, si Mariupoli më i rrezikuar. Vullnetarët bjellorusë përdorin flamuj të bardhë-kuq-bardhë, të cilët janë të ndaluar në Bjellorusi.
Nacionalistët bjellorusë, vullnetarë, i vijnë në ndihmë Ukrainës përmes Polonisë. Përveç vullnetarëve të shumtë nga jashtë, një batalion bjellorus me emrin e shkrimtarit dhe revolucionarit Konstantin Kalinowski merr pjesë në mbrojtjen e Kievit.
Përkatësisht, politikani dhe gazetari bjellorus, Franak Viachorka, ka postuar një video në Twitter ku shfaqen ushtarët, për të cilët thotë se janë vullnetarë bjellorusë që do të luftojnë për Ukrainën.
Ai tregon se një kompani vullnetarësh bjellorusë do të shkojnë në Mariupol për të luftuar kundër agresorit rus së bashku me ukrainasit.
Viachorka shtoi se bjellorusët po i bashkohen ushtrisë ukrainase masivisht, gjë që sigurisht është një befasi jo e këndshme për rusët.
The Belarusian volunteer battalion named after Kastus Kalinouski will go to Mariupol to help Ukrainian armed forces fight the Russian troops. Many Belarusians are supporting the Ukrainian army. Belarusians are massively joining the defence of Ukraine. pic.twitter.com/qphCiWb65Z
— Franak Viačorka (@franakviacorka) March 17, 2022
Duhejt kujtuar se nmë këtë luftë të nisur, që për mendimin gjeopolitik botëror ëshgtë e Treta, Rusia ka vetëm një aleat të qartë: Bjellorusinë. Madje as Assadi ka ngurruar t’i jetë haptazi në krah Putinit, që pra, ka si mbështetës vetëm Lukashenkon dhe kjo në nivel global.
Në dy luftrat pararendëse, te Para dhe te e Dyta, ato ishin me blloqe aleancash. Pra, Rusia është krejtësisht e vetme, ndërkohë dhe që Gjermania naziste kishte aleanca. Madje kishte përkrahës dhe në vendet e Boshtit, kolaboracionistë siç quheshin. Rusia as këtë nuk e gëzon. Madje nuk gëzon as përkrahës brenda Ukrainës, veç dy seperatistëve të Donbasit. Sigurisht, Ukraina ka plot prorusë në aspektin politik, por në rrethanat e një agresioni të egër ushtarak, nuk ka gjasa të shfaqen tendenca apo prirje të tilla. /tesheshi.com/
