Vladimir Putin nuk është shfaqur në publik për më shumë se një javë. Ky detaj është vënë re nga të gjitha mediat vendase, të cilat kanë përforcuar lajmin e bërë publik nga Reuters të mërkurën, në të cilën deklarohej se Presidenti kishte pasur disa probleme shëndetësore.
Mirëpo, ky lajm është përgënjeshtruar menjëherë nga zëdhënësi i Kremlinit, Dmitri Peskov, i cili ka bërë me dije se Presidenti ndodhet në gjendje shumë të mirë shëndetësore.
Mirëpo, këto dyshime të medias kanë vijuar dhe janë shtuar pasi zyra për shtyp e Putin publikoi të mërkurën një fotografi të presidentit me shefin e republikës së Karelias, por që sipas mediave lokale, takimi ishte bërë më 4 mars, kur edhe ishin shkrepur fotot.
Prej vjeshtës së vitit 2012 problemet shëndetësore të Putin janë bërë objekt diskutimi për shtypin rus dhe atë ndërkombëtar. E para që ka folur për këtë problem të Presidentit rus ka qenë agjencia e lajmeve Reuters, sipas së cilës, shefi i Kremlinit vuan nga probleme me shpinën dhe i është dashur ti nënshtrohet një ndërhyrjeje kirurgjikale.
Në nëntor të të njëjtit vit (2012), shefi i shtetit Bjellorus, Aleksader Lukashenko, ka pranuar se ishte në dieni të një problemi shëndetësor të Putin, i shkaktuar nga një stërvitje gjatë një seance xhuidoje.
Prej ditës së djeshme në Tëitter ka nisur të shpërndahet hashtagu #putindead (në gjuhën angleze dhe ruse) i cili është bërë mjaft popullor mes përdoruesve. /tesheshi.com/
