Vladimir Putin e ka thirrur në Moskë kryeministrin Vuçiç përpara zgjedhjeve presidenciale të 24 prillit, dhe e ka pyetur qartë: “Me kë je, me ne apo me ata?”, duke e nënkuptuar Europën dhe SHBA. Putin ka kondicionuar ndihmat ushtarake me qëndrimin e Vuçic dhe votën në zgjedhjet presidenciale.
Këtë e ka bërë të ditur vetë kryeministri serb pas takimit të sotëm në Kremlin me “carin” e Kremlinit.
Presidenti Putin tha se shpreson që marrëdhëniet mes dy vendeve të zhvillohen pozitivisht. Dhe këtë ai e tha jo pa ironi duke bërë presion mbi Vuçiç dhe mbështetur në një farë mënyre kandidatin radikal Vojislav Sheshel.
Vuçiç tha pas takimit se presidenti rus e njihte personalisht dhe se ka ofruar automjete të blinduara, tanke dhe avionë, ku së shpejti do të nënshkruajë një dekret në lidhje me to.
“Që do të thotë se çdo gjë që ne kemi rënë dakord sa më shpejt të jetë e mundur do të vijnë në Serbi”, tha Vuçiç.
Vuçiç gjithashtu shpjegoi se pse, pasi ai kishte folur tashmë me Putin, u ftua përsëri.
“Presidenti Putin kishte dy pyetje për mua, dhe ishin të një natyre politike”, tha kryeministri serb.
Kur u pyetën nëse këto pyetje janë të lidhura me zgjedhjet, Vuçiç u përgjigj negativisht, duke shtuar se Putin u shpreh në mënyrë të qartë për zgjedhjet që Moska do të jetë neutrale.
Perëndimi e sheh integrimin e vendeve të Ballkanit Perëndimor si një mënyrë për të stabilizuar rajonin që po shërohet nga një dekadë luftërash dhe trazirash ekonomike.
Por Rusia e kundërshton këtë integrim, ku me merak të madh ka përfshirjen e Serbisë në NATO e në BE dhe është vënë në përpjekje për të zgjeruar ndikimin e saj.
Vuçiç udhëtoi në Moskë për të takuar presidentin Putin, për të biseduar mbi tregtinë dhe bashkëpunimin ushtarak.
Vitin e kaluar Rusia i dhuroi gjashtë avionë ushtarak MIG-29 dhe Vuçiç tha se kësaj radhe do të bisedojë me Putinin për raketat tokë/ajër.
“Në po diskutojmë për bashkëpunimin ekonomik me Rusinë por edhe me Kinën”, tha ai. /tesheshi.com/
