Afro 24 orë pas një aksidenti ajror që nën dyshime konspiracioniste i morri jetën kreut të Wagner-it Yevgeny Prigozhin, presidenti Putin ka vendosur të thotë diçka për të, mik e njeri i afërt i tij, por dhe i rebeluar me Moskën dy muaj më parë.
Në një takim me kreun e DNR-së, Denis Pushilin, ai shprehu ngushëllimet e tij për familjet e të vrarëve në rrëzimin e avionit në rajonin Tver.
“Progozhin ishte një njeri me ‘fatin e ndërlikuar’, një biznesmen i talentuar. Wagner luftoi me nazistët në Ukrainë, nuk do ta harroj kurrë këtë,” tha Putin shkurt, raportoi RIA Novosti në kanalin Telegram.
Putin shtoi se kreu i Komitetit Hetues të Rusisë e informoi atë për fillimin e hetimeve për rrëzimin e avionit me Prigozhin dhe se ai do të përfundojë.
Për shumëkënd, s’ka dyshim se Prigozhin u “hoq qafe” nga Putin, si dhjetra e dhjetra të tjerë para tij, që nga nisja e agresionit ndaj Ukrainës. /tesheshi.com/
