Sipas raportimeve të mediave, Rusia ka humbur oficerin e saj të 40-të të rangut të lartë që kur Kremlini nisi një agresion ndaj Ukrainës, i cili sot ka mbushur ditën e 50-të.
Nënkoloneli Denis Mezhuyev, komandanti i Flamurit të Kuq të Regjimentit të Parë të Gardës së Pushkës së Motorizuar të Gardës së Sevastopolit, u vra në luftime, sipas raporteve nga Rusia dhe Ukraina.
Detaje nuk janë dhënë dhe deri më tani nuk ka asnjë konfirmim zyrtar rus për këto pretendime ukrainase, por poeti patriot rus Andrei Kovalev po bën thirrje që Mezhuyev t’i jepet pas vdekjes nderimi më i lartë rus, raporton Evening Standard.
“Ai është i denjë për titullin Hero i Rusisë, duke marrë parasysh veprat e tij”, njoftoi Kovaljev.
Një tjetër raport për vdekjen e tij u publikua në rrjetin social Vkontakte ose VK, rrjeti social më i madh në Rusi. “Djali i tij mund të jetë krenar për babanë e tij”.
Sipas pretendimeve ukrainase, Rusia deri më tani ka humbur gjithsej shtatë gjeneralë dhe 33 kolonelë në luftën në Ukrainë.
Shkalla e këtyre humbjeve, pra numri i madh i oficerëve të vrarë, tregon edhe të kundërtën e asaj që pretendojnë autoritetet ruse dhe presidenti Vladimir Putin, që është se “operacioni special ushtarak”, siç e quan zyrtarisht Moska agresionin rus kundër Ukrainësm dhe që sipas saj po shkon sipas planit.
Besohet se humbjet totale ruse që nga fillimi i luftës më 24 shkurt arritën në rreth 20 mijë persona, por numri i saktë nuk dihet, pasi dyshohet se Moska nuk publikon informacione reale. /tesheshi.com/
