Rusia ndërmerr sërish një akt ndërhyrje territoriale në Kaukaz duke prekur kufinjtë e Gjeorgjisë.
Siç bën të ditur politico.eu, trupat e Osetisë Jugore dhe aleatët e tyre rusw kanë marrë një territor që quhen “Kodrat e Arta” duke vendosur një linjë të re kufiri në zonën që quhet Tamarasheni, pikërisht në Gjeorgjinë qendrore.
Rusët u dhanë afat barinjve vendas 72 orë për t’u larguar menjëherë.
Pasi i hipën në kamionët ushtarakë, rusët u rikthyen sërish edhe ditën tjetër për të inspektuar zonën.
Me këtë lëvizje, Moska ka lëvizur territorin e inluencës së saj në Kaukaz duke e zgjeruar.
Në shkrimin e tij në politico.eu, fituesi i çmimit Pulitzer, Paul Salopek, shkruan se ushtarët që ruajnë kufrin gjeorgjian kërkuan të largohet vija e ndryshuar, por janë injoruar nga rusët.
“Ata morën 19 hektarë këtë herë, por në gusht morën një copë tjetër. Avash-avash ata po marrin pjesë të mëdha territori”, thotë bariu Levan Kipshidze.
Që nga vera, Rusia po bën lëvizje gjeopolitike për të ndryshuar kufinjtë që u vendosën pas Luftës së Dytë Botërore nga Bashkimi Sovjetik.
Në vitin 2008, Rusia përdori armët e rënda për t’u futur në Osetinë Jugore, territor që ka qenë pjesë e Gjeorgjisë dhe që tani administrohet në mënyrë autonome nga kukulla të Rusisë.
Si në rastin e Krimesë, ekziston frika se Moska do të përdoreë artifcin e “të drejtës së vetëvendosjes”.
Për këtë kufi po bëhet prej kohësh luftë e fortë. Administrata e Osetisë u ka prerë energjinë fermerëve dhe barinjve të kësaj zone, por Gjeorgjia u ka zgjatur telat që të kenë drita.
Gjatë shtatë viteve të shkuara, janë burgosur 800 qytetarë gjeorgjianë nga forcat osetiane dhe aleatët rusë me akuzën e “hyrjes së paligjshme” në fushat e tyre dhe kullotat që këta fermerë të kësaj zone i kanë trashëguar prej shekujsh.
Gjeorgjia e ka cilësuar këtë akti si një pushtim, por Moska thekson se po mbështet vullnetin e vasalëve të tyre osetë, që janë kthyer në një mekanizëm i gjeopolitikës së Vladimir Putinit.
Përgatiti: Ylli Pata – /tesheshi.com/
