Në pjesën e dytë të intervistës së presidentit rus për të përditshmen gjermane Bild, një hapësirë të posaçme ka zënë dhe diskutimi mbi të ardhmen e shefit të regjimit sirian, Beshar Esadit.
Putini e ka quajtur të parakohshëm diskutimin e dhënies azil Esadit, por ka lënë të kuptohet se kjo mund të ndodhte nëse situata e kërkonte. Përgjigjja e tij ka qenë disi ndryshe, duke dhënë si shembull dhënien e azilit për Edward Snowden-in.
“Ne i dhamë azil z. Snowden. Ishte shumë më e vështirë se t’ia japësh atë Esadit.”
“Së pari,” ka bërë të qartë Putini, “duhet t’i jepet një mundësi popullit sirian për të thënë fjalën e tij.” “Dhe ju siguroj, se nëse kjo bëhet në mënyrë demokratike, atij mbase nuk do t’i duhet të shkojë asgjëkundi. E nuk ka rëndësi në është president apo jo,” ka shtuar Putin.
Presidenti rus ka tërhequr githashtu vëmendjen për nevojën që në Siri të nisë puna për bërjen e një kushtetute të re, që do të ishte një hap i parë në gjetjen e zgjidhjes politike për t’i dhënë fund luftës shkatërrimtare shumëvjeçare. /tesheshi.com/
