Dy punonjës që nuk kishin pranuar të shpërndanin pije alkoolike, e që më pas ishin përzënë nga puna, do të marrin 240.000 dollarë si dëmshpërblim.
Një gjykatë amerikane vendosi t’u japë të drejtë dy punonjësve muslimanë që deklaronin se u dëbuan nga puna prej një kompanie transporti me kamionë pasi nuk pranuan të shpërndajnë pije alkoolike për të.
Trupi gjykues arsyetoi se kompania Star Transport Inc në Morton kishte cenuar besimin fetar të dy punonjësve, Mahad Abass Mohamed-it dhe Abdikarim Hassan Bulshale-së.
Padia e ngritur në vitin 2013 nga Komisioni Amerikan i Mundësive të Barabarta të Punësimit thoshte në krye të saj se punonjësit u nxorën nga puna në 2009-ën pasi nuk pranuan të shpërndajnë pije alkoolike, ngaqë kjo binte në kundërshtim me vlerat e tyre fetare. Në padi pretendohej se kompania i pushoi ata nga puna për shkak të fesë së tyre.
Një prej përfaqësuesve ligjorë të komisionit do të deklaronte se, “Juria e gjyqit ndreqi padrejtësinë me këtë vendim, duke u çuar një mesazh të qartë Star Transport-it dhe punëdhënësve të tjerë se do të mbajnë përgjegjësi për praktikat e tyre të paligjshme të punësimit.” /tesheshi.com/
