Videot e realizuara në ballafaqimin në Prokurori mes deputetit Tom Doshi dhe të pandehurit Durim Bami, u publikuan duke zbardhur atë që është thënë mes tyre, bisedë që u komentua gjerësisht në valën e hetimeve për akuzën e Doshit se ndaj tij ishte thurrur një komplot për ta ekzekutuar.
Në videon e pare janë përdorur dy kamera e në të tregohet ballafaqimi Doshi-Bami. Njëra nga kamerat ka qenë e vendosur në zyrën e prokurorit dhe tjetra në trupin e Doshit. Durim Bami, më së shumti flet me gjestikulacione e fraza të shkurtra, ndërkohë qëkur bie biseda për familjen e Durimit, ky I fundit shpërthen në të qara.
Video tjetër shfaq përballë Durim Bamin dhe vëllain e tij, Valter Bamin, ku i pandehuri e njofton me gjeste që të mos flasë, për shkak se ambienti është i mbikëqyrur nga kamerat.
Tashmë, deputetët Mark Frroku dhe Tom Doshi si dhe I pandehuri Durim Bami janë në gjykim për prodhim faktesh të rreme.
/tesheshi/
