Me mijëra email-e të ish-sekretares amerikane të Shtetit, Hillary Clinton janë publikuar, ndërsa rreth 150 prej tyre janë censuruar për të mos nxjerrë informacione të klasifikuara.
Në fakt, Clinton, e cila synon kandidaturën për garën e Shtëpisë së Bardhë në zgjedhjet presidenciale të vitit 2016, kishte kërkuar publikimin e email-eve të saj me pretendimin se ato nuk përbënin sekret shtetëror dhe nuk kishin kompromentuar punën e saj ndërsa ishin nisur nga adresë private dhe jo adresa e Departamentit të Shtetit.
Ajo është vënë në kritika të ashpra pas zbulimit se kishte përdorur një server privat për email-e pune, ndërsa ishte në detyrë. Por, Clinton thotë se asnjë informacion i klasifikuar nuk është dërguar edhe nuk është marrë përmes këtij serveri.
Censurimi i 150 email-eve tregon se në to ka informacione të klasifikuara jo të përshtatshme për sytë e publikut, që do të thotë se pozicioni i Clinton nuk është më i miri.
Departamenti i Shtetit tha se 150 mesazhe duhej të priteshin për shkak se përmbanin informacione të klasifikuara, ndërsa vijon procesi i vlerësimit për dokumentet e tjera që Clinton ka vënë në dispozicion të autoriteteve.
Më shumë se një e katërta e 30 mijë faqeve dokumentacion tashmë është publikuar.
Sondazhet tregojnë se Clinton radhitet e dyta mes pretendentëve për Shtëpinë e Bardhë, sidoqë në krye të favoritëve demokratë, pasi skandali i email-eve ka ndikuar në vlerësim. /tesheshi.com/
