Duke komentuar ngjarjen e rëndë në Resulaj të Selenicës, psikologia Entela Binjaku i tërhoqi vëmendjen medias që të mos e bombardojë opinionin vetëm me lajmë të kronikës së zezë.
Sipas saj, informimi deri në detaje për çdo gjë negative që ndodh, po injekton psikoza kolektive ndër shqiptarë, që më pas përkthehen dhe në krime
“Një shoqëri që bombardohet nga mëngjesi deri në darkë me lajme të kronikës së zezë në mënyrë të vazhdueshme, dashje pa dashje hyn në një lloj psikoze të mungesës së shpresës, për të cilën nuk dua të them se është media fajtore, por duhet të jetë më e kursyer ndaj disa detajeve që ngarkojnë emocionalisht shumë qytetarë”, tha znj. Binjaku duke folur për Ora Neës.
Të premten, 9 njerëz humbën jetën në Shqipëri nga plumbat e armëve në dy ngjarje të ndryshme. Më e rënda qe ajo në Resulaj, ku në pak minuta u vranë 8 vetë. /tesheshi.com/
