Parizienët janë në rrugë të mbarë dhe në Kupën e Francës, pasi kanë kaluar në çerekfinale duke mundur pastër Lionin.
Në duelin e zhvilluar në “Parkun e Princave”, vendasit e Paris Sent-Zhërmenit ishin superiorë ndaj miqve, dhe golat erdhën njëri pas tjetrit në pjesën e dytë të lojës.
Ishte suedezi Zlatan Ibrahimovic që e elektrizoi atmosferën në stadium, duke realizuar dy herë brenda pesë minutave, në të 62-tën dhe në të 67-ën. Goli i tretë u shënua nga Rabiot pak më pas. Më tutje nuk pati më histori, dhe i tërë takim përfundoi 3-0.
Nanta po ashtu është kualifikuar për në çerekfinalet e këtij aktiviteti ndërsa ka mposhtur Bordonë në një takim me shumë kthesa.
Skuadra e Lorik Canës luajti në transfertë, dhe ky i fundit ishte në fushë gjatë gjithë ndeshjes. Përndryshe, Emir Lenjani nuk u aktivizua për asnjë çast.
Të parët do të kalonin në epërsi miqtë e Nantës, me golin e Bammou-së në minutën e 6-të. Bordoja do të përgjigjej duke shënuar dy herë dhe duke e kaluar avantazhin në anën e saj. Nanta do ta gjente rrjetën edhe një herë para se të mbyllej i tërë takimi.
Barazimi e çoi ndeshje në shtesa. Lorik Cana e pati ruajtur për këto minuta protagonizmin e tij, teksa pati rol në të dy golat e skuadrës së vet. 3-4 u mbyll kjo përballje për Nantën, falë edhe kontributit të spikatur të kapitenit të përfaqësueses kuqezi. Nanta do të luajë në çerekfinalet e Kupës së Francës ndaj Soshosë. /tesheshi.com/
