Koreja e Veriut ka testuar një “motor me lëndë djegëse të ngurtë me shtytje të lartë” për të zhvilluar një armë të re strategjike nën udhëheqjen e liderit Kim Jong Un, njoftuan mediat shtetërore të Koresë së Veriut të premten, raportoi Reuters.
Një test i kryer të enjten në vendin e lëshimit të satelitit Sohae vërtetoi besueshmërinë dhe qëndrueshmërinë e motorit, duke ofruar “garanci për zhvillimin e një lloji tjetër të sistemit të armëve strategjike”, raportoi KCNA.
Shtohet se lideri i Koresë së Veriut shprehu “pritshmërinë që një tjetër armë strategjike e një lloji të ri do të prodhohet në periudhën më të shkurtër kohore”.
Testi vjen ndërsa shefi i Agjencisë Ndërkombëtare të Energjisë Atomike, Rafael Grossi, duke folur me zyrtarët e Koresë së Jugut në Seul, u zotua për një përpjekje të gjithanshme për të ndalur programin bërthamor të Koresë së Veriut.
Koreja e Veriut ka kryer një numër të paprecedentë testesh raketash këtë vit, duke përfshirë një raketë balistike ndërkontinentale të aftë për të arritur në territorin e SHBA. /tesheshi.com/
