Vrasja e një 4-vjeçari shqiptar nga një maqedonas, ngjarje e ndodhur në Kumanvë, ka bërë që shqiptarët e Maqedonisë të kalojnë një brengosjeje kolektive. Dhe, veç mesazheve në rrjetet sociale, ku has gjithëçfarëlloji, që nga kërkesat për dënim maksiman të autorit, e deri tek denoncimet për akt krimal me prapavijë etnike, ka gjithashtu dhe krijime poetike kushtuar viktimës Almir Aliu, që dje u varros duke u ndarë përfundimisht nga të gjallët.
Janë shfrime dufi në vargje, me dhjetra e qindra, ku shqiptarë të ndryshëm e gjejnë ngushëllimin tek poetikja, për të shprehur dhimbjen, revoltën, të keqen që i mundon në këto momente të vështira.
Tesheshi.com zgjodhi një prej tyre për t’ja përcjellë publikut, si më e ndjera, ajo e poetit kumanovar, Nehat Jahiu, me titullin “Pse?!”
Pse?!…
Pse më gjakose e më ndave nga prindërit e mi?!…
E nënën ma ke lënë përgjithnonë me lotë në sy,
E çfarë kërkove, o gjakatar ti prej meje?…
Për të ma lënë babain tim nëshpirt me këto dhembje.
Pse ma ndale ti, o gjakatar mua fëmijërinë time?!…
E çfarë do të bëjë pa mua e dashura nëna ime?…
Më thuaj si do të përballoj nëna ime pranë varrit tim?!…
A do i ruaj në shpirt plagët e mia gjithmonë kujtim?!
Pse më ndave nga mocanikët e lagjës ku linda e u rrita?
E kur një ditë doja në shkollë të shkoja mezi pritja.
Seç mi more të bukurat , të miat lojërat fëmijërore
Edhe ëndërrat e mia o, gjakpirës të penguan e mi more.
Pse më bëre me aq plagë të mbuluara me timin gjak?!…
Në trupin tim të njomë, në trupin tim njomarak.
Më thuaj ta di se pse të pengoi fëmijëria ime?!…
Më thuaj ku më mbetën të dashurat ëndërrat e mia?!…
Ti, o gjakatar kurrën e kurrës nuk mund të japësh përgjigje
Pse më ndave nga shoqet, shokët…. e nga familja ime.
Nga dora yte trupi im po shkon në varr me plagët me gjak
E nënën me duar në gji ma la duke qarë për mua në konak.
/tesheshi.com/
