Gjigandi amerikan i smartfonëve Apple planifikon të zhvendosë një pjesë të linjave të tij të prodhimit nga Kina në vende të tjera të Azisë Juglindore, si India dhe Vietnami, raportoi Wall Street Journal.
Analistët thonë se kjo përfaqëson një kthesë të rëndësishme në përpjekjet për të reduktuar rolin e Kinës në zinxhirin global të furnizimit, pasi prodhuesit janë të vetëdijshëm për rrezikun e përqendrimit të prodhimit në atë vend.
Strategjia e Kinës për tolerancë zero ndaj virusit korona, që ka paralizuar disa nga zinxhirët e saj të furnizimit, dhe klima e dëmtuar e biznesit në vend mund të jetë motivi kryesor për vendimin e Apple, sipas ekspertëve.
Darson Chiu, një përfaqësues i Qendrës për Parashikimin Ekonomik në Institutin e Kërkimeve Ekonomike në Taipei, i tha Zërit të Amerikës se shumë kompani, përfshirë Apple, e shohin Indinë si potencial për të konkurruar me Kinën dhe për t’u bërë “fabrika e ardhshme në botë”, duke vënë në dukje se kostja e punës dhe e tokës në Indi është dukshëm më i ulët se në Kinë.
Kina, gjithnjë e më pak tërheqëse për prodhuesit e huaj
Kur marrim parasysh vjedhjen e pronësisë intelektuale, pra teknologjinë, sulmet kibernetike ndaj kompanive brenda Kinës, kufizimet që qeveria kineze zbaton për rrjedhën e të dhënave, ka shumë faktorë që e bëjnë Kinën një mjedis më pak tërheqës për prodhuesit e huaj, Stephen Ezell, Drejtor i politikave globale të inovacionit në Fondacionin e Teknologjisë së Informacionit dhe Inovacionit (ITIF) në Uashington.
Ezell tha se kompanitë e tjera shumëkombëshe mund të ndjekin shembullin nëse Apple është i suksesshëm në dërgimin e produkteve nga India, pasi ka bërë një përqindje të vogël të iPhone 14s të saj në vend.
Wall Street Journal raportoi më 6 dhjetor se Apple u ka kërkuar furnizuesve të saj që të planifikojnë më aktivisht për të mbledhur produkte në pjesë të tjera të Azisë, veçanërisht në Indi dhe Vietnam për të reduktuar varësinë nga fabrikat kineze ku montohen pajisjet Apple.
Wall Street Journal thekson se qëllimi afatgjatë i Apple është që 40 deri në 45 për qind e iPhone-ve të saj të dërgohen nga India, ndërsa më pak se 10 për qind prodhohet aktualisht në atë vend. /tesheshi.com/
