Ndërsa Evropa dhe bota marrin frymë të lehtësuar që presidenti francez Emmanuel Macron, një centrist pro-evropian, ka fituar një mandat të ri pesë-vjeçar, ka gazetarë që kanë preferuar të theksojnë faktin alarmant se si Marine Le Pen ka marrë më shumë se 13 milionë vota mbështetjeje nga francezët.
Midis tyre është Ayman Mohyeldin, një gazetar për NBC News dhe MSNBC, një ish-gazetar i Al Jazeera-s dhe një ish-producent i CNN gjatë luftës në Irak.
“Para se të keni një psherëtimë të lehtësuar që Marine Le Pen nuk fitoi zgjedhjet presidenciale dhe para se të më thoni se francezët në përgjithësi nuk i pëlqejnë presidentët aktualë, dua që ju të tretni faktin që 42 për qind e Francës votuan për një neo-naziste, një politikane që mohon Holokaustin, një politikane islamofobe dhe ksenofobe, një apologjete e Vladimir Putinit,” tha Mohyeldin, një egjiptian me origjinë.
Siç vuri në dukje ai, rreth 42 për qind e vendit që është krenar që është bastioni perëndimor i liberalizmit në një nga sistemet demokratike më të respektuara në botë, votuan për kandidaten ekstremiste.
“Nuk mund të shikosh këto rezultate dhe të mos dalësh në përfundimin se Franca ka problem me ekstremizmin. Ata nuk janë emigrantë, ata nuk janë myslimanë, ata nuk janë afrikanë…
Sot, ekstremistët francezë deklarojnë se janë këtu dhe se duan të qëndrojnë aty, në zemër të Evropës. Dhe ndërsa Franca e ka shmangur sërish plumbin, mos mbani iluzione se cilat forca po i japin formë politikës së saj”, përfundoi Mohyeldin.
Kujtojmë se Macron fitoi një mandat të dytë në një palë zgjedhje shumë të tensionuara, të cilat ishin jashtëzakonisht të rëndësishme për të ardhmen e Evropës.
Ai fitoi me 58.6 për qind të votave, ndërsa kandidatja e ekstremit të djathtë kishte mbështetjen e 41.4 për qind të votuesve francezë.
Ajo u tha mbështetësve të saj “të mos e humbin shpresën”. /tesheshi.com/
